停車位問題- 福君海悅大飯店的評論 | 訂房資訊網

福君海悅大飯店的評論.2017年2月5日.如同標題，房間價格跟房內的整潔以及設備都在水準之內，但，問題就出在客人開車去為何沒有停車位為什麼會是車位已滿 ...

酒店質素同環境差到我想喊，佢連精品酒店都不如，我唔知佢憑乜嘢話自己係酒店！一入到房好似好耐以前大陸嗰啲陳舊酒店嘅感覺。大家唔好中伏，你住左你會後悔。 酒房距離捷運站大概15分鐘路程，其實⼀d都唔近，夜晚黑行個條路真係好靜同無咩人行，所以自己一個行真係會驚驚地。 投訴一:房卡得一張，唔需要拍卡都可以撘，好唔Secured。間房好大陣陳舊味，燈光好暗，牆紙床單爛哂，周圍都好大塵，冷氣出風位周圍都係黑色既塵。張枱有一個好明顯既茶漬，佢根本就冇抹過。廁所牆上面黐住一條好明顯嘅毛髮，由checkin 第一日到最後一日都無清潔過，其實佢衛生程度真係極差。 投訴二:入住第一日無冷氣，酒店嗰個人入嚟調校過個冷氣，之後佢話因為開咗廁所門抽氣扇會抽走晒啲冷氣所以間房會冇冷氣，要關廁所門。我想講沖完涼個廁所都有好多霧氣，抽氣扇個力度都唔大，點抽走啲冷氣？個晚訓覺無”琴”被都熱到我出哂汗，之後佢前台投訴然後佢話會跟進。最後佢比我嘅答覆係話果晚冷氣總制跳左，所以導致成座大廈嘅冷氣都停咗，佢哋話有好幾個住戶都有投訴。但係我個感覺係，竟然有好幾戶都有投訴，點解佢哋好似習以為常而唔去立即跟進呢？ 冷氣出風位周圍都係黑色既塵。我朋友有鼻敏感， 每日返到房就打噴嚏、流鼻水流眼水、鼻塞鼻癢好困擾。 投訴三: 廁所門係關唔到。沖涼去水位極差，沖完涼好似水浸咁樣浸到出嚟，差啲滑倒。 冇護髮素提供，沖涼液洗頭水係硬膠樽，根本好難倒液體出。 投訴四: 床單同被鋪同枕頭所有嘢都好差穿晒窿，每晚訓都係好痕癢，R到皮膚紅晒。仲要住咁多日佢冇換過床舖枕頭套。佢無講過有environmental friendly所以我唔明點解唔換床單。究竟佢哋有冇洗嗰啲床單？ 投訴六: 我每日都有同Agoda喺email投訴，我畀晒所有影片相片俾Agoda, 但Agoda話一直都等緊酒店嘅回應，直到退房後一個星期，Agoda 先有個solution俾我。我有問過Agoda酒店會作出一啲咩嘅改善行動，但酒店一直都話我已經退左房所以唔會有回應，亦都冇提過佢哋會改善房間清潔質素。 其實依個行程真係好唔開心，去旅行都係想relax，但係我就俾依間質素低嘅酒店困擾住...